OAK kërkon përkrahje dhe bashkëpunim nga MPJ

 

Ministria e Punëve të Jashtme është një nga sektorët që mund të kontribuoj shumë përmes ambasadave dhe konsulatave tona në shumë vende të botës, në tërheqjen e investitorëve por edhe në rritjen e bashkëpunimit të bizneseve tona me bizneset e huaja, u tha ndër të tjera në takimin e Odës së Afarizmit të Kosovës me Departamentin për Diplomaci Ekonomike në Ministrinë e Punëve të Jashtme.

Në këtë takim, Oda e Afarizmit të Kosovës (OAK) dhe Ministria e Punëve të Jashtme (MPJ) vendosën vija të komunikimit në mënyrë që bizneset anëtare të OAK-së, gjatë vizitave që i bëjnë jashtë vendit, të kenë mundësi që të marrin mbështetje nga Ambasadat apo konsulatat që Republika e Kosovës i ka në shumë vende të botës.

Drejtori i Departamentit për Diplomaci Ekonomike z. Güner Ureya dhe Zyrtari i Lartë për Promovim të Investimeve z. Gëzim Gashi falënderuan Odën për vizitën dhe u shprehën të gatshëm për bashkëpunim.

OAK i dorëzoi një listë me kërkesa këtij Departamenti që të i adresojnë pranë ambasadave dhe konsulatave përkatëse.

E gjitha kjo po bëhet që të krijohet një ambient më i mirë në Republikën e Kosovës.

Në takim morën pjesë: Kryetari i Odës së Afarizmit të Kosovës z. Skënder  Krasniqi dhe Sekretari z. Diamant Elshani.