Urgjent: Bankat të fillojnë punën në Komunën e Malishevës

Oda e Afarizmit të Kosovës shpreh shqetësimin e saj pas ankesës së bizneseve, që në komunat që janë në karantinë bankat nuk po punojnë, gjë që po iu pamundëson të punësuarve që të hapin xhirollogaritë bankare dhe të regjistrohen për të përfituar nga skemat e Pakos Emergjente Fiskale, thuhet në kërkesën që OAK i drejtori Bankës Qendrore të Kosovës dhe Shoqatës së Bankave.

OAK kërkon nga BQK dhe Shoqata e Bankave të Kosovës që të gjindet një zgjidhje dhe bankat të funksionojnë, në mënyrë që edhe qytetarët edhe bizneset të kenë mundësi që të marrin shërbimet e nevojshme.

Më konkretisht kemi rastin në Komunën e Malishevës, komunë kjo e cila është në karantinë dhe punonjësit nuk kanë mundësi që të hapin llogari për të përfituar nga oferta e Qeverisë. Gjithashtu bizneset nuk po kanë mundësi që të kryejnë shërbime në ndonjë komunë tjetër si rezultat i Karantinës.

OAK ka kërkuar që ky problem të trajtohet me prioritet.